مسرحية انا اسف

مسرحية
انا أسف
تاليف :زكى خلفة






الشخصيات
المعلم: شخص جدع وابن بلد صاحب قهوة
نمرة: صبى المعلم
محمد: شخص مستهتر ومش فارقة معاة
حسين: الصحفى
ابراهيم: يمثل الضمير فى المسرحية وهو شخص مثقف
فتحى : مدمن
رئيس تحرير:المجلة صاحبة الرسوم المسيئة
الرسام: صاحب الرسوم المسيئة ملئ بالخبث
رجل الاعمال: الشخص اللذى يمول المجلة وهو شخصية غاضبة ومتغطرسة
طالب 1 وطالب2: طلبة عاديين دماغهم فاضية
بائع لب: شخص فى ظاهرة بائع وهو الممول للطلبة بالمخدرات









مسرحية:انا اسف تاليف: زكى خلفة
المشهد الاول

( المكان ساحه فسيحه بها مجموعه من الماره واخرين يجلسون على مقهى
يوجد بها المعلم عبده صاحب القهوه والصبى نمره ومحمد احد رواد القهوه وفتحى مدمن)
نمره : ايوه جاى ايوه جاى
المعلم : واد يا نمرة
نمره: ايوه يا معلمى
المعلم: تعالى هنا نشفت التفل(بصوت منخفض)
نمره: نشفت التفل يامعلم بتاع تانى مره
المعلم وطى صوتك هتفضحنا
نمره: ايوه جاى وهو يتلفت
يدخل مجوعه من الطلبه فى يد كل واحد موبايل
طالب1: خوش ع البلتوث
طالب2 : معاك النغمه دى كول كول صراحه افتح البلتوث
طالب 1: شوف الفيديو دا رهيب
طالب2 :اذيك يامعلم عبده عايزين شاى
المعلم: اذيك وعندك 2 شاى للطلبه المزوغه
بائع اللب: تسالى يالب حد عايز يتسلى
فتحى:(ينادى على بائع اللب )تعالى عايزك معاك برشام
بائع اللب: برشام ايه الله يخرب بيتك
فتحى : طب بلاش سيجارة بانجو وهو يمسك بيده
بائع اللب: ياعم ابعد عنى انا عايز اربى العيال( وهو يخلص يده منه فى هذه اللحظه يقع البرشام من جيبه) يصرخ البرشام( يبتعد عنه)

فتحى: تسالى يا بانجو وهو يضحك
ابراهيم يدخل القهوة متجها نحو محمد
محمد :هيما انت فين ياعم
ابراهيم : ايه يابنى انت مرحتش الشغل
محمد: لا بصراحه رحت بس زوغت
ابراهيم : يا بنى حلل اللقمه اللى بتاكلها
محمد: انت هتعملى مصلح مهو كله بيسرق وكله حرامى جت عليه انا
ابراهيم : لو كل واحد قال زيك يبقى علينا العوض فى امة محمد
محمد: بقولك ايه انت عليك عشرة طاوله من الشهر اللى فات اقعد بس اقعد
فى هذة اللحظه يدخل بائع الجرائد
بائع جرائد ينادى بصوت عالى
بائع الجرائد: اقرا الخبر اقرا الخبر
الصحيفة الدنمركيه والرسوم المسيئه للنبى
اقرا الخبر فلم كرتون ولعبه تستهزئ بالنبى
ااقرا الخبر مئات المظاهرات فى انحاء العالم للتنديد بالإساءة بالنبى
ااقرا الخبر ( ثم ينصرف)
المعلم: يانهار ابوهم مطين دا كله الا النبى اذاى الكلام دا يا جدعان بس
ابراهيم : لا حول ولا قوة الا لله انا لله وانا اليه راجعون
محمد: ايه فيه ايه
ابراهيم: حتى النبى وصل الاستهزا بالنبى صلى الله عليه وسلم
انت عارف لو عرفو النبى صح عمرهم ما كانوا عملوا كدا
لو قروا سيرته كانو حابوه قوى
الرحمه المهداه النور المبين مشعل الهدايه صلى الله عليه وسلم


المعلم : الله يفتح عليك يا استاذ براهيم والله ما فيه زى النبى اللهم صلى عليك يانبى
نمره: صلى على رسول الله
محمد : صلى الله عليه وسلم هى بصراحه حاجه تضايق بس يعنى احناهنعمل ايه يعنى الشتيمه بتلزق
اهم هيشتموا حبه وبعدين يسكوتو ياخى العب العب
ابراهيم بالله عليك مش مكسوف من نفسك وانت بتتكلم كده
محمد: ليه انت عايزنا نعمل ايه نروح نحارب ولا نحارب
ابراهيم: لا بس على الأقل تغضب تقف تقول لاء لاء انصر النبى
محمد: يا اخى متكبرش المسائل بس اقعد العب ما احنا حلوين كدا
فتحى : هروين مين جاب سيرة الهروين
المعلم يمسك به من ياقته ويدفعه هروين ايه فوق بقى هو جابنا لوره غيرك انت واللى زيك
(يدخل حسين الصحفى وفى يده نسخه من الجريده) ........
حسين:لا حول ولا قوة الا بالله
محمد: فيه انت كمان تعالى اقعد
حسين شوفتوا ايه اللى حصل
محمد: حصل ايه
حسين: حتى هولندا كمان بتستهزئ بالنبي
ابراهيم: الوضع دا مايتسكتش عليه
محمد : وهنعمل ايه بس
حسين : انا عن نفسى كتبت فى الجرنال مقاله شتمت وسبيت سلسفيل ابوهم وقلت (يقف فوق كرسى ويتكلم بلهجه خطابيه)انها استهانه بالامه الاسلاميه



ذى ما اليهود استهانو بفلسطين والامريكان استهانوا بالعراق وبالصومال
وذى مااحنا فرطنا فى دينا وشرفنا وبقى لليهود دوله وعلم بيرفرف فوق نيل مصر
اطردو السفير اليهودى
المعلم: جدع والله يا استاذ حسين جدع انا لو من الريس بتاعك كنت رقيتك
حسين : ماهو فعلا عمل بالنصيحه دى ومانشرش المقال
ابراهيم: ليه بس
حسين: قالى اسرائيل دوله صديقه
طالب :تسمحولى انا عايز اسئل سؤال بس وبعدين انت ماقتلوناش
ايه اللى ممكن نعمله
طالب2 ايوه ايه اللى بادينا نغيره
ابراهيم: بادينا كتير
محمد: ذى ايه
ابراهيم : ذى مافلت من شويه انصر النبى ودا برده مش معناه انك تروح تحارب لا
بس ممكن تحارب نفسك شهوتك ادمانك اهمالك فى عملك بكدا النبى يحبك وتبقى صحيح من اتباعه وبكدا تنصره
حسين:طب والدنمارك وهولندا نعمل فيهم ايه
ابراهيم: الدول دى يا صاحبى على قد ما بيتحججوا بحرية الراى على قد مابيخافو قوى على مصالحهم الاقتصاديه واكتر سلاح يتعبهم المقاطعه
المعلم: طب والله يااستاذ ابراهيم لانا مقاطعهم ولسانى ماهو مخاطب لسانهم ولوحد جه مش مقعده على القهوة
حسين : يا معلم المقاطعه معناها انك تقاطع منتجاتهم بضايعهم يامعلم
المعلم: اه
طالب: طب ودى تاثر فيهم اذاى


ابراهيم : هاقولك بالارقام
شركة ماكدونالدز خسرت لوحدها بس خسرت حوالى 800 مليون دولار وقفلت حوالى 700 مطعم وأطلقت شعار (عربية 100%)،وبدأت لأول مرة في تقديم وجبات عربية فى محاولة لاقتاع الناس انها عربية
حسين: على فكرة انا سمعت من الجنة المصرية للمقاطعة ان شركة كوكاكاولا
انخفضت قيمة علامتها التجارية العالمية بنسبة 13%. وخسائر كوكاكولا في مصر تجاوزت اكثر من نص رأس المال يعنى حوالى400 مليون جنيه).
ابراهيم: لا وخد عندك دى تسمعو طبعا عن اريال المسحوق المعروف اللى علية نجمة داود اللجنة قالت ان الخسائر وصلت260مليون دولار
حسين ايوة بالظبط ودا اللى اضطرهم يشيلو نجمة داود من علية
ابراهيم: وهو دا اللى احنا عايزينة لو نقدر نقاطع هيحترمونا ولو احترمونا هيحترموا دينا ويعرفو ان النبى لا مات ولا خلف بناتة
المعلم: معقولة ياناس الكلام دا
محمد: اتهيالى انكم بتبالغو شويتين
ابراهيم: دا كلام موثق بالارقام صادر عن اللجنة المصرية لمقاطعة البضائع والمنتوجات الامريكية
محمد :انتو شكلكو كدا هتتعبو نفسكو على الفاضى يا معلم هتلقنا واحدة ببس انا ريقى نشف
المعلم: لا من النهاردة لاببس ولا كولا ولا اى منتج يضحك فى وشنا ويقتلنا فى ضهرنا فية كركرية ينفع






المشهد الثانى
( مكتب رئيس التحرير والصحفى صاحب الرسوم المسيئة للنبى الاثنان يبدو عليهم علامات الدهاء والمكر يحبذ ان يرتدى احدهم الطاقية الخاصة باليهود)
الصحفى: شوفت بقى يا سيادة رئيس التحرير الرسوم بتاعتى عملت اية هزت الدنيا كلها
رئيس التحرير فعلا مبيعات الجريدة ارتفعت بشكل كبير
الصحفى :دا انا مجهزلك شوية رسومات جديدة وفلم كرتون ولعبة لكل قارئ للجريدة رئيس التحرير :برافو عليك برافو يبقوا يورونا هيعملوا اية المسلمين دول هاهاها
يدخل رجل الاعمال وهو ثائر
رجل الاعمال: ايوة من حقك تضحك ما هو انت تكسب وأنا يتخرب بيتى
الصحفى مالك فية اية
رجل الاعمال المسلمين عاملين مقاطعة للمنتجات بتاعاتنابسبب الرسومات بتاعتك والفيلم الزفت اللى انت عاملة
رئيس التحرير: هو احنا عملنا حاجة لوحدنا يعنى واللا من غير علمك ما انت اللى دافع وانت اللى عارف من الاول
رجل الاعمال : ايوة صحيح بس انا ما كنتش فاكر ان دا ممكن يحصل وان الجماعة النايمين دول ممكن يتحركو وللا يبقى ليهم رأى
الصحفى: قصدك ان الرسومات بتاعتى جابت نتيجة عكسيةوبدال ما يتفرقو اكتر اتجمعوا
رجل الاعمال بالظبط ودا اللى احنا مش عايزينة يحصل علشان كدا انا قررت ان انتوا توقفو المهزلة دى
رئيس التحرير: بتقول اية
رجل الاعمال: أ حنا مصالحنا مهددة يا سادة
الصحفى: حبيبى انت بتبالغ حبتين الموضوع بسيط بسيط قوى
رجل الاعمال : أذاى بسيط
رئيس التحرير: احنا هنعلمك وللا اية السلعة اللى انت بتبيعها غير اسمها مع شوية اعلانات وشوية جوايز
الصحف : وشوية دعاية من اياها كله هيبقى تمام
رجل الاعمال :تفتكر دا ممكن ينسيهم
رئيس التحرير : ينسوا ابوهم
رجل الاعمال انا مش مطمن للموضوع دا
رئيس التحرير :جرب جب ولو فى دولة واحدة بس اية اكتر دولة فيها مقاطعة
رجل الاعمال: اعتقد مصر
رئيس التحرير بسيطة انزل مصر وجرب واحنا معاك
الصحفى :وهنثبتلك ان المسلمين اكتر ناس فى الدنيا كلها بتنسى

المشهد الثالث
نفس مكان الاول للقهوة مع وجود بعض الاشخاص مثل المعلم ونمرة ومحمد وعلى احدى الترابيزات يجلس رئيس التحرير والصحفى رجل الاعمال اطار لشاشة تلفزيون كبيرة
المذيع: دجاج كنتاكى بقى اسمة دجاج ست ابوها ياللا يا ست يا مربية على العربية دجاج كنتاكى اكل بايد مصرية ميه الميه
مذيع2 دجاج ست ابوها من السطوح راسا اليك
مذيع1 والان كوكاكولا بقى اسمها خالتك كوكا لغينا من عليها كلمة لا مكة لا محمد
مذيع2 : وكمان عاملين مفاجأءة ربع جنية تبرع مع كل قزازة كوكا تشربها بتروح لخوانك فى فلسطين
مذيع1 تبرع يا مسلم تبرعى يا مسلمة
المعلم :والله باين عليكم كدابين والفلوس دى بتتحول رصاص فى ايد اعداءنا
مذيع1 : يعنى الرصاص دا بيروح لمين يا معلم ما هو للاطفال بردة
مذيع2 يعنى بيوصلهم بيوصلهم ولا بيوصلش
المعلم : ولو ياولاد الابالسة بردة مش هنتراجع وبردةهنكمل المشوار
مذيع 1 وداعا للشعر المكتكت وداعا للشعر الاكرت هيد اند شولدرز بقى اسمة دحروج


الاغنية
دحروج دحوج دحروج
دحروج عاليكم وعالينا
دحروج دحروج دحروج
دحروج يا منضف حوالينا
يارب كبر دحروجنا يارب كبر دحروجنا
وعلى قد دحروجنا ادينا
اى اى اى اى
دحروج تحطة وتستغطى تصبح تلاقى نفسك زلابطة
المعلم : وادى كمان التلفزيون اهه

نمرة: ايوة جاى معانا الحلبة والينسون والكركرية والمنجة والشاى المصرى المستورد لا والمقاطعة 2 لاء حد عايزنى
رجل الاعمال: سامع
الصحفى ورئيس التحريرمعا: ششششششش اصبر
المعلم : اية يانمرة اية الاخبار
نمرة: كلة تمام يامعلمة كلة ماشى حسب التوجيهات
المعلم: اوعى تكون بتنشف التفل ياولة
نمرة: خلاص يا معلمة توبة من بعد النوبة خلاص انصر النبى ‘ يانبى
المعلم: ربنا يا بنى يبارك فى الحلال
يدخل الطلاب فى هذة اللحظة
المعلم:أهلا بالمزوغتية
ط1 : يامعلم احنا مش مزوغين ولا حاجة احنا خلصنا المدرسة
ط2وجايين علشن ند يك قايمة المقاطعة دى
المعلم : قايمة اية يا بنى انا مضيت على قايمة ام حسن من 30 سنة
هتمضونى على قايمة تانى
ط1: لا يامعلم قائمة المقاطعة بالمنتجات المقاطعة والبدايل المصرية والعربية
المعلم: كدا يبقى وجبت لازم تشربو شاى على حسابى يا نمرة شاى للافندية على حسابى ياولة
فتحى : ما تعزمنا احنا كمان يا معلم واللا احنا مالناش نفس
المعلم : ومالوا بس لما تقاطع الاول الزفت اللى بتتعطاة دا ابقى اعزمك
فتحى : يا ما نفسى يا معلم بس الحاجة دى بقت فى دمى خلاص وخلصت علية
ومبقتش قادر استغنى عنها بقيت شبح بنيادم
المعلم: فية حاجة اسمها ارادة وعزيمة يا فتحى مين كان فينا يتصور انه ممكن يقاطع
البيبسى ولا الكولا ولا الشيبيى وأدينا قاطعنا اهو اية اللى جرالنا يعنى خسينا
واكم من ناس يا سيدى بتقطع الادمان دا وبتنجح خلى عندك ايمان
يدخل محمد فى هذة اللحظة وهو يتلفت حولةومعة ورق تحت ملابسة يجلس على المقهى يقبل علية احد الافراد
محمد: اية جبت الامانة
الشخص: باكوين بالتمام والكمال جبت المصلحة
محمد : سهران طول الليل فى الشغل لحد ما جبتلك اللى انت عايزة اسئلة الامتحانات بتاعت بكرة
الشخص: كدا تمام بالاذن
حسين يدخل هو وابراهيم فى هذة اللحظة
حسين :مين دا يا محمد
محمد : متشغلش بالك دا واحد كدا له مصلحه ماتخدونيش فى دوكة عاملين اية فى موضوع المقاطعة بتاعكوا دا
حسين لية هو انت مش معانا
محمد: لا انا مع نفسى كدا كويس قوى يعنى انتو عملتو اية
ابراهيم: لو بصيت حواليك هتعرف الفرق الناس بتحب ربها ونبيها كمان وبدأءت تتغير وترد على الاساءة بقوة الارادة
حسين انت لسة بتتكلم ولسة مش مقتنع على فكرة انت محتاج تتغير من جوة الاول
محمد : بقو لكوا اية انا مفيش دماغ ليكوا انا سهران باسرق اسئلة طول الليل
ابراهيم : اية
محمد قصدى بحل فى اسئلة طول الليل انا هانام شوية وارجعلكوا تانى
حسين : ربنا يهديك يامحمد
رئيس التحرير: تسمحولنا ندخل معاكو فى الحوار دا
ينظر حسين الى ابراهيم
ابراهيم : اتفضل
رئيس التحرير انا ملاحظ ان زملكو معاة حق وانتو مكبرين الموضوع
الصحفى : واضح ان انتو مثقفين وممكن تفهمونى أقصد ان دى حرية راى
ومن حق اى انسان ان يعبر عن راية بصراحة ويقول اللى هو عايزة
ابراهيم: يعبر عن راية اه يقول اللى هو عايزة لاء لو هيضرنى هيأذينى يبقى لاء
رجل الاعمال: ولية لاء
حسين حريتك ماتسمحلكش انك تلغينى تسئ الية تستهزئ بدينى ومعتقداتى
رجل الاعمال: الحرية تسمحلنا اننا نعمل اى حاجة
ابراهيم : الحرية اللى تسمح للدولة القوية انها تحتل الضعيفة متبقاش حرية
حسين واللا الحرية اللى اتخلى الامم المتحدة تكيل بمكيالين دى بردة تبقى حرية
الصحفى : انتوا اعداء الفن
ابراهيم : لو الشتيمة وقلة الادب والاستهزاء بالدين بتسميها فن يبقى اية هو الفن
رئيس التحرير: الفن هو الابداع
ابراهيم: الابداع هو دينى وعقيدتى ومنهجى والتزامى وقيمى واحترامى ليها
هو اللى بيولد الابداع
حسين : الابداع هو الرقى فى المشاعر والقيم والاحساس هو دا الابداع اللى يرفع من قيمة الانسان
الصحفى: انتو فى دماغكو انكوا ممكن تغيرو شئ اوتعملو اى حاجة
رجل الاعمال: مش هتقدروا تنتصروا علينا انتو اضعف كتير
يقف جميع من فى المقهى فى مواجهة رئيس التحرير والصحفى ورجل العمال
حسين ايوة كدا وانا بقول بردة شوفت الوشوش الحلوة دى فين
المعلم : ياولاد ال................ سيبونى عليهم
ابراهيم لا يا معلم احنا كدا نجحنا وهما كدا حسوا ان احنا لينا قيمه
باقى ان احنا نحس بقيمتنا ونعرف احنا مين
يدخل محمد :وهو يصرخ ويقول لاء لاء انا معاك انا معاك
انا من امتك خد بايدى خد بايدى
المعلم مالك يا بنى فية اه
محمد حلمت كأن يوم القيامة والعرق مغطينى وريقى ناشف وعامل زى الغرقا ن اللى مستنى قشاية
وفجاءة الناس جريت فرحانين وهما بينادو النبى اهو واقف هناك عند الحوض
طلعت اجرى معاهم وانا مادد ايديا يا نبى انا من امتك
دير وشه بعيد بعيد قوى قالى لاء انت مش من امتى
لاء دا انا اسمى محمد على اسمك
قالى انت مانصرتنيش مانصرتنيش مانصرتنيش

تدخل اغنية النهاية

كلمات : صلاح جلال]أنا أسف أنا غلطان أنا اللي اتهنت يا سيديأنا اللي أذاني كلي مهان وتاه الحق من ايديأنا اللي اتهنت مش أنت لأنك في حمى ربيمقامك في السما عالي وأنا اللي إنداس على قلبي**يا روح صافية يا قلب حنون أنا بتمني أنول قربكأنا ها حكي لكل الكون وهارسم صورة عن قلبكرسول هادي وبدر منير ورحمة بالجماد والطيرها عيش بين البشر رحال أأقول انك رسول الخيرياطه أفتديك بالروح يا نسمة بالأمان بتفوحأنا عمري في يوم ما قبل يبات اسم الحبيب مجروح**أنا أسف أنا غلطان أنا اللي اتهنت يا سيديأنا اللي أذاني كلي مهان وتاه الحق من ايديأنا اللي اتهنت مش أنت لأنك في حمى ربيمقامك في السما عالي وأنا اللي إنداس على قلبي

مفتتح هام

اخوانى محبى المسرح عامه
والمسرح الملتزم خاصه
هذه دعوة لكم للمشركه فى مدونتكم
من اجل مسرح ملتزم
فالجميع يعلم اهمية الدور الاعلامى فى بناء شخصية الفرد
كما يعلم الجميع الزخم الموجود الان من اعمال تافهه
ليس لها هدف او معنى تهدم بدلا من البناء
لذلك كانت هذه المدونه المتواضعه
فى محاوله لتوفير نصوص مسرحيه ملتزمه هادفه
ارجو المشاركه وابداء الراى

مسرحية اشهد يا تاريخ

المشهد الاول

ملحوظة المسرحيه معروضة بالكامل على المدونه فيديو
يدخل احمد بملابس النوم فى غرفه بها كرسى وسرير وراديو
احمد: يوة برده مفيش ميه ذى كل يوم
هو انا صليت الصبح ولا لاء
والله مانا فاكر
با نهار ابيض دا انا اتاخرت عن الجمغه ذى كل بوم
قصره نقعد نسمع الاخبار لحد ما الميه تيجى
المذيع: هذا وقد أفاد مندوبنا فى العاصمة العراقية بغداد أن عدد الشهداء المسلمين
قد وصل إلى ثلاث مائة شهيد أغلبهم من النساء و الاطفال
أحمد: ياخبرأبيض كام تلتمية دول لو كانوا فراخ ما كانوش وصلوا للعدد ده
نغير القناة
المذيع: هذا وقد صرح مسئول لاذاعة BBCأن هذه المجزرة التى ارتكبت فى قانا لم
يرى لها مثيل من قبل وأن قوات الاحتلال قد تعمدت قصف المدنيين مما أسفر عن
موت العشرات من الاطفال تحت الانقاض
أحمد: كمان فى لبنان
أحلى حاجة أبعد عن المنطقة العربية خالص الجو ملغم
المذيع: هنا جروزنى عاصمة الشيشان أفاد مندوبنا أن القوات الروسية قامت بقصف
جوى شامل للمنازل و الاماكن المدنيةمما أدى إلى مذبحة حقيقية شاملة
احمد: حتى الشيشان ماترحمتش لا حول ولاقوة إلا بالله لا أنا أحسن حاجة أجيب
إذاعة الشرق الاوسط
المذيع :هذاو قد ثبت فى التاريخ أن العرب و المسلمين قد كانوا منابر العلم ومصابيح النور وأنهم سادوا العالم كله بعلمهم وتفوقهم فى جميع العلوم وأن حضارتهم كانت
هى الشمعة التى أضاءت أوروبا والعالم بأسره
لحمد: تاريخ إيه ماكنش ده بقى حالنا قال التاريخ قال
المذيع: لا دا قال يا خويا وقال أكتر من كده كمان
أحمد: إيه دا الراديو بيتكلم طاب والله لانا قافلك
المذيع :تقفلنى ما تقفلنيش التاريخ بيقول إن احنا كناقادة العالم كله
أحمد: التاريخ بتاعك يضحك عليك زى ما هو عايز بس مش هيضحك عليا أنا
معقولة يا ناس لو احنا كناكده ليه وصلنا للى احنا وصلناله دلوقتى ليه و إزاى
أكيد التاريخ كان مبسوط حبتين وزودها وساق فيها حبة طاب أ شوفه بس التاريخ ده ويشوف أنا هاعمل فيه إيه ما كانش ده بقى حالنا ياعم التاريخ
أحسن حاجة اخش انام واحلم احلم وانسى
( المشهد الثانى)
(أحمد نائم يدخل عليه رجل كبير السن معه فى يده كتاب يوقظ أحمد من نومه وفى الخلفية نشيد أتتنى فى سكون الليل
الرجل: قوم يا أحمد قوم
أحمد: مين مين انت مين
التاريخ :أنا التاريخ
احمد: تاريخ: إيه وجغرافية أيه اللى جاى دلوقتى احنا فى حصة النوم يا ولدى
التاريخ : قوم يا احمد انت نمت كتير فوق بقى
احمد: ايه دا انت مين ابه اللى داخلك اودتى هنا
التاريخ :انا ادخل اى مكانانا عايزة واكتب اى حاجه بتحصل
احمد :قصر قول انت مين
التاريخ: انا التاريخ
احمد: لا انت الحرامى با اما يا لالا الحقونى
التاريخ: اسكت الله يخرب بيتك ما تودنبش فى داهيه والله العظبم انا التاريخ
احمد :ابه اللى جابك عندى
التارخ: انت اللى طلبتنى وقلت عايز تشوفنى وهاتعمل فبه ايه مش عارف
احمد: انت بشتغلنى انا اقصد التاريخ بتاع الكتابه
التاريخ :وما هو انا التاريخ بتاع 00 الكتابه
احمد : طيب وعايز منى ايه ين تاريخ عاوز اثبتلك انى مكنتش بكدب
وان المسلمين كانو فعلا قادة العالم وهما اللى علمو الدنيا كلها اصول العلم والادب والاجتماع
احم: طب اذاى واحنا ااقل الامم واحنا مشردين مقتولين فى كل مكان اذاى واحنا الجهل مالينا فوقينا وتحتينا ازاى واحنا مالناش قيمة ولا وزن
التاريخ: انا ماليش دعوه هو انا يا بنى اللى عملتو انا بحكى اللى كان موجود واللى كانو اجدادك عليه
احمد: اثبتلى لصراحه انا مش مصدقك مش داخله دماغى حكاية الحضنرة والمناره والسفاره فى العماره ياعم التاريخ
الناريخ: وانا على استعداد تعالى معايا
احمد: على فين ريحين
التاريخ: وخدك سينما رايحين كتاب التاريخ يا سيدى


( المشهدالثالث )

(غرفة الخلافه بها كرسى يجلس عليه الخليفه
الوزير بجانبه)
الخليفه : قل لى ايه الوزير اخبار البريد اليوم
الوزير . يوجد اليوم يا مولاى رساله من الملك جورج الثانى
الخليفه: اقرأها علينا
الىالخليفة هشام الثالث الجليل المقام, بعد التعظيم والتوقير نفيدكم أننا سمعنا عن الرقي العظيم الذي تتمتع بفيضه الضافي معاهد العلم والصناعات في بلادكم العامرة..., فأردنا لأبنائنا اقتباس نماذج من هذه الفضائل لتكون بداية حسنة في اقتفاء أثركم..., لنشر أنوار العلم في بلادنا التي يحيط بها الجهل من أركانها الأربعة, وقد وضعنا ابنة شقيقنا (الأميرة دوبانت) على رأس بعثة من بنات الأشراف الإنجليز, لتتشرف بلثم أهداب العرش والتماس العطف, لتكون مع زميلاتها موضع عناية عظمتكم, وقد زودت الأميرة الصغيرة بهدية متواضعة لمقامكم الجليل, أرجو التكرم بقبولها مع التعظيم والحب والإخلاص.
الإمضاء: خادمكم المطيع( جورج الثاني)
الخليفه اكتب الرد اليه فى الحال
بسم الله الرحمن الرحيم , الحمد لله رب العالمين , والصلاة والسلام على نبيه سيد المرسلين , وبعد:إلى ملك إنجلترا وإيكوسيا وإسكندنافيا الأجلّ, اطلعت على التماسكم, فوافقت على طلبكم, وعليه, نعلمكم أنه سوف ينفق على هذه البعثة من بيت مال المسلمين دلالة على مودتنا لشخصكم الملكي.

أما هديتكم فقد تلقيتها بسرور زائد وبالمقابل أبعث إليكم بغالي الطنافس الأندلسية , وهي من صنع أبنائنا هديةً لحضرتكم وفيها المغزى الكافي للتدليل على التفاتتنا ومحبتنا والسلام.
خليفة رسول الله صلى الله عليه وسلم في ديار الأندلس: (هشام الثالث)
.الوزير: بارك الله فيك يا خليفة المسلمين
(دخول)
احمد: دا ايه دا بجد دا ولا كدا وكدا
التاريخ: بجد طبعا انت فكرك ايه
احمد لا مش معقوله دا ملك السويد والنرويج وانجلترا الاميراطوريه التى لا تغيب عنها الشمس طب اذاى
التاريخ .:امال بقى لوسمعت شهادة ا لكاتبة الألمانية اسمها (زيغريد هونكه) في كتابها (شمس العرب تسطع على الغرب بتقول
بتقول ان شارل الأكبر) في شيخوخته كان بيتعلم القراءة والكتابة, وبينما أمراء الغرب يعترفون بعجزهم عن الكتابة أو القراءة, وفي الأديرة يندر بين الكهنة من يستطيع مسك القلم إلى درجة أنه عام 1391 ميلادي لم يكن في دير القديس جالينوس من الكهنة والرهبان من يستطيعفك الخط, اما فى المدن الاسلاميه كان فيه مئات المدارس بتستقبل ملاين الطلبه
بيتعلموا قران وفقه وطب وكميا
احمد : هو فيه ايه وليه واذاى لا لا مش داخل دماغى الكلام دا كله انت لغبطتلى دماغى
التاريخ : انت لسه شوفت حاجه انا وراك والتاريخ طويل



(المشهد الرايع)
( إظلام المسرح و إضاءة بجانب آخر )
يبدأ المشهد على كرسى يجلس عليه خليفة المسلمين , يدخل عليه الوزير مهرولاً .
الوزير : يا خليفة المسلمين , يا خليفة المسلمين .
المعتصم : ماذا هنالك يا رجل , ماذا حدث .
الوزير : أ ُسرت إمرأة فى الروم و نادت بأعلى صوتها مستغيثة بك قائلة : وامعتصماه وامعتصماه .
المعتصم : وا إسلاماه وا إسلاماه .
اكتب هذه الرسالة . . من المعتصم أمير المؤمنين إلى كلب الروم , إن لم تأتينى المرأة فسوف أرسل إليك جيشاً أوله عندك و آخره عندى .
( إظلام مع وجود أبيات شعرية , مع النشيد
رب وا معتصماه انطلقت ملئ أفواه الصبايا اليتم ِ
صادفت أسماعنا لكنها لم تصادف نخوة المعتصم
الوزير: ابشر ياخليفة المسلمين لقد ارسل الروم المرأة على راس كتيبه من النساء تحرسها الى هنا
المعتصم: الله اكبر الذى اعزنا بالاسلام وجعلنا سببا لنصرة دينه
(دخول)
احمد :. اديهم على دماغهم اديهم
صدق حلو قوى الفلم اللى احنا اتفرجنا عليه دا هبفرتك الدنيا
التاريخ: فيلم ايه
احمد : بتاع المعتصم
التاريخ :يابنى دا بجد
احمد : قصدك ان كلب الروم دى بجد وجيش أوله عنده وأخره هنا بجد
التاريخ: ايوه بجد
احمد: طب دا إحنا جيشنا أوله عندنا وأخره عندنا
التاريخ: عارف هارون الرشيد كان ببقول للسحابة امطرى حيث تمطري فسوف يأتيني خراجك عارف معناه ايه
احمد: ايوه انه كان ماشى ورا السحابه بجردل
التاريخ : لا طبعا دا دليل على اتساع مملكة الإسلام بزمتك محستش كدا يالعزه
احمد :ايوه حسيت بس حسيت برده بخيبة الأمل ايه اللى جرالهم ايه اللى جرالنا
التاريخ :عايز تعرف طب تعالى معايا
احمد: تاكس


(المشهدالخامس)
(غرفة البلاط الملكى للملك فرناندويتحرك الملك فرناندو فى اضطراب(
فرناندو :يا حارس يا حارس فين فليب
الحارس: يطلب الاذن بالدخول يا مولاى
فرناندو : اهاتوه بسرعه
يدخل فليب يبدو عليه علامات المكر
فليب: مولاى خادمك المطيع بين ا يديك مولاى
فرناندو. فليب اريدك فى امر هام يتوقف عليه مستقبل الاندلس
فليب: وانا تحت امرك
فرناندو: المسلمين يا فليب المسلمين
فليب :عارف يا مولاى عارف
فرناندو" عارف ان ملكهم وسطوتهم يتزيد يوم بعد يوم وعدد هم كل يوم فى زياده
فليب: وللا قرطبه اللى بقت اكبر مدبنه فى اروبا دلوقتى ملاينه علماء فى الطب والفلك والكميا
فرناندو : عارف عارف كفايه عابز ادمرهم فاهم
فليب : اذاى
فرناندو: دى مهمتك تقولى اذاى عايزك تروحلهم وتعرفلى ازاى نقدر نحطمهم
فليب.: فى الوقت الحالى مستحيل
فرناندو :ليه مستحيل
فليب: يا مولاى انا كنت هناك قريب وشوفت حاجه جننتنى وعرفت ان دلوقتى صعب
فرنا ندو: شوفت ايه
فليب: شوفت ولد صغير بيعيط بيبكى بكاء مر ولما سئلته بتيكى ليه قالى انه من فتره كان بيصيب عصفورين بسهم واحد وانهارده بيصب عصفور واحد لسهم واحد
فرناندو: ولد صغير انا بقولك سقوط دوله وانت بتقولى ولد صغير
فليب: يا مولاى دا ولد صغير وهمه كدا امال العلماء ورجال الجيش والحكام اهتمامهم بايه دا غير انهم متماسكين قوى بدينهم لحظة ما يسمعوا الادان كله يقفل ويروح يصلى
وكائن البلد مفيهاش حد
فرناندو: يعنى ايه مفيش امل
فليب: مين قال كدا بس الصبر الصبر يا مولاى وفيه لكل شئ حل
فرناندو قوله بسرعه
فليب: أولا الشهوة لازم يغرقو فيها يعشقوها كاس وامراه هيعملو فيهم اللى ماتعملوش كل جيوش اروبا
فرناندو: بسيطه نخليهم ما يفقوش
فليب: ثانيا خلى كل واحد فيهم خليفه
فرناندو: تقصد ايه
فليب: يعنى فرق تسد طمعهم فى بعض تسقط الخلافه واذا الخلافه وقعت يبقى قول عليهم السلام
فرناندو :انت داهيه يا فليب داهيه هههههههه
(دخول)
التاريخ شوفت بقى
احمد: يا نهار ابيض دا فكر شياطين دا المسلسل اللى بيتعمل علينا لحد دلوقتى
التاريخ : شهوات
احمد :موجود من كل نوع وصنف اشى دش واشى نت واشى بت
التاريخ :والشباب
احمد :مش قادر يفوق لا وللى زاد وغطى المكيفات اللى بتدخلنا ليل ونهار من كل صنف ونوع وايه حاجه ببلاش كدا لكن قولى هما نجحو فعلا النتيجه كات كام كام قصدى كات ايه
التاريخ : تعالى شوف بنفسك





( المشهد السادس)
*(مجموعه من تلامبذ العلم يجلسون مع الشيخ يدخل فرناندو وفليب فى ذى عربى متنكر*)
الشيخ هل من احد عنده اسئله
تلميذ: يا مولانا الفرنجه على ابواب المدبنه فما العمل
الشيخ: ايه يابنى الاسئله دى مالنا احنا ومال الفرنجه خلينا فى حالنا
تلميذ: هو فى حال لنا اكتر من كده
الشيخ: واضح انك سطحى وتافه وهتتعبنا قوم يابنى امشى من هنا
قال الفرنجه قال
تلميذ: يامولانا عندى سؤال
الشيخ: قول يا فالح بس يارب ما يكون ذى سؤال الفالح التانى
تلميذ : كنت واقفا فى الصلاه فقرصنى برغوثا
الشيخ: برغوتا ام برغوثا
تلميذ : لا بل برغوثا فقتلته فى الحال فهل صلاتى صحيحه وهل للبرغوت ديه
الشيخ: حيبى هى دى الاسئله ولا بلاش يلا عشان اتاخرنا عن حلقة الذكر
يمشى الشيخ وهو يغنى)
انا ضيف الشيخ عبد الدايم قرصنى برغوت وانا نايم
وكان يقرص بحراره كانه يقرص فى حماره
ياصاحب الغرفه الله هتلى معاك بدره الله
يا فتة المظهر الله محلاك فى الانجر الله
واللحم يكسوكى الله والرز يغطيكى الله


فرناندو : برافو عليك يافليب الخطه ماشيه كدا تمام
فليب انت لسه شوفت حاجه يا مولاى
يدخل رجل وهو فى يده زجاجه وهو يبكى ويبحث عن شئ فى الارض
الشاب اهه اهه تعلبلى يامه هو راح فين بس
فرناندو : انت بتدور على ايه يا اخ انت
فليب: وبتبكى ليه
الرجل : سيبنى فى حالى ياجدع انت
فليب انت بتبكى علشان بتصطاد عصفوره بسهم واحد صح
الرجل :اه اه والنبى انت بينلك راجل فايق عصفورة ايه يا جدع انت دا منظر واحد بيصطاد عصافبر برده
فرناندو : امال بتيكى ليه ابوك مات
الرجل: اكتر من كدا
فليب: امك
الرجل: كان اهون
فرناندو: امال فبه ايه
الرجل: ضيعت خاتم حبيبتى ووقعتى هتبقى سوده منها ان شاء الله
فرناندو : ها ها ها كدا الخطه شغاله الله ينور
فليب: ولسه يا مولاى شايف الراجل اللى هناك دا دا امير البلد دى وجاى يقبلك
فرناندو: هو عارفنى لتكون مكيده
فليب: اصبر يا مولاى
(يقترب الرجل منهم(
الامير: سيد فليب سيدى فرناندو لقد تشرفت بكم البلاد
فرناندو: ماذا تريد يا الامير
الامير: اطلب تحالفكم اقصد تحالفى معاكم
فرناندو: ضد مين
الامير: ضد ابناء عمومتى امراء الطوائف
فرناندو: ولكن لابد من مقابل
فليب: المقابل اللى تحدده
فرناندو: اذا ادفع لنا الجزبه
الامبر ادفع
فرناند و تبوس هذا الصليب
الامير. ابوس الصليب ويدك وقدمك يا مولاى فرناندو
فرناندو: انصرف الان
فليب: ايه رايك بقى يا مولاى
فرناندو: دلوقتى يس نقدر نقول المسلمين خلاص انهزموا
(دخول)
احمد: ياه هى دى الاندلس
التاريخ: ايوه وهى دى العراق وسوريا ولبنان ومصر وفلسطين
احمد : انا دلوقتى بس ياتاريخ فهمت الدرس
التاريخ سيدنا عمر ابن الخطاب بيقول لقد اعزنا الله بالاسلام فان ابتغينا العزة فى غيره
احمد: اذلنا الله صح يبقى هو دا الطريق طريق الله
صوت الادان يرفع فى المسرحيه احمد ماشى
التاريخ : رايح فين يااحمد
احمد سامع صوت الميه جت رايح اصلى الظهر
التاريخ: كدا اطمنت انك اتعلمت الدرس
احمد : بس عايز اسئل سؤال
التاريخ اتفضل
احمد: يا ترى احنا ضعنا خلاص ولا فيه امل
التاريخ: يقول رسول الله صلى الله عليه وسلم الخير فى وفى امتى الى يوم الدين
احمد صدق رسول الله





يا رسول الله تعالى لمّ من روحنا المهانة
شد على أيدنا الضعيفة قولنا نحمى الأمانة
نفسنا يوم القيامة نوصل الحوض بالسلامة
وف كفوفك نلقى فرحة وف عنيك ما نشوف ملامة
قلنا إن إحنا كنا وأنت فينا خير امة
وآما تهنا عن طريقك وسط أمم الأرض هنّه

مسرحية احنا مالنا

(مسرحية واحنا مالنا )
تأليف :زكى خلفة
المشهد الاول
(مجموعة من الطلاب يلتفون حول داتا شو يعرض مشاهد من فلسطين ولبنان وبعض الدول الاخرى
ويمرا بهما طالبان يضحكان وهما فى حالة انسجام )
أحمد: اية دا اية اللمة دى
فتحى : ايوة صح عرفتة دا باينله مهرجان السينما للجميع
أحمد: دا باينلها لعبت يا توحة وهنتفرج بلوشى
فتحى : طب ياللا بينا
(يدخل الطالبان فى وسط المجموعة ويقف طالب من بينهم خطيبا )
طالب1 : وهكذا يا اخوانى العالم الاسلامى كلة يأن ويتعذب
طالب2 : وليس هناك مكان على الخريطة تضع يدك علية الا وتجد مسلم يستنجد بك وبى ان ننقذهم
ونمد يد العون لهم .
طالب3 : فلسطين الشيشان البوسنة والهرسك لبنان العراق كلها جراح فى الأمة الاسلامية
احمد: كابتن كابتن , ايه الاماكن البعيدة قوى دى الشيشان والبوسنة والهرسك مالنا احنا ومالهم .
ط2: مالنا ومالهم اذاى , مش دول بردة بشر ذى ما احنا بشر , مسلمين ذى ما احنا مسلمين ,
ط1 : كل الضحايا اللى احنا شايفنهم دول بينادو علينا ليل نهار .
فتحى : لا يا عم , بينادو عليك انت لوحدك انا عن نفسى محدش نادى عليّـه .
أحمد : وحياتك ولا انا , وبعدين احنا اساساً ساكنين فى السابع يعنى لو حد نده مش هنسمع وإن سمعنا هنكسل ننزل .
ط3 : احنا هنا مش بنهزر احنا بنتكلم عن ناس بتموت ضحايا .
ط1: أم طلعوها من الانقاض حاضنة ابنها , والطفل متشعلق بصدر امه جريمتة إيه , جريمتها أية انهم مسلمين . . ! فوقوا بقى .
ط2 : دم الضحايا بينادى علينا .
فتحى : ياعم دم ايه ! والله العظيم الأرض نضيفة وذى الفل ولسة مسفلتين المسرح اهه .
أحمد : يا جماعة يا جماعة ! احنا جايين الجامعة عشان حاجة واحدة . . ننبسط ونهيص ونتروشن
فتحى : (يعد على اصابعة ) دا يبقوا تلاتة ياحبيبى .
احمد : وبس
فتحى : كدا بقوا اربعة ( يضحك الاثنان معا )
ط1 يا جماعة مين اللى قال كدا بقولك احنا اتخلقنا لغاية اكبر من كدا .
أحمد : لغاية كدا ياعسل كفاية قوى انا هسيبك ويا الضحايا بتوعك وعندى دفنة فى الكافتيريا اخلصها واجيلك اخد العزا بالإذن يا عم المصلح هتصلحوا الدنيا ؟!
فتحى : يمشى وهو يغنى اغنية العيال مين هيشلها
المشهد الثانى
يدخل فتحى واحمد غرفتهما وهما يضحكان ويلقيان انفسهما على السرير
أحمد: البوستة والهرسك الشيشات
فتحى: كوبرى العطف اول القطعة
احمد: انت عارف احلى حاجة فى الموضوع دة , حكاية الضحايا اللى تنادى ليل نهار دى .
فتحى: ياعم داباينلهم عالم فاضية .
أحمد : بقولك إية خلينا فى المهم (احممم) احنا لازم ننام علشان عندنا الليلة سهرة جامدة طحن
فتحى : بينا ننام يا عم الحلو انت كمان خخخخخخخخخ
( اظلام تام للمسرح يظهر فردان وهما يرتدون ملابس بيضاء عليها أثر الدماء يحاولان ايقاظهما )
أحمد : يوووة يابنى يابنى ارحمنى عايز اتخمد
احد الرجلين : قوم للحساب
أحمد : حساب اية وقرأة اية فى ليلتك الجبر دى
الرجل الثانى : ماقلنالك قوم للحساب
أحمد: قامت قيامتك يافتحى يا فتححىىىىىىى
فتحى : يوووو يابنى انا جيت يام ي ي ياااااما انتو مين وعايزين اية
( الرجلان معا: احنا الضحايا وجايين علشان الحساب )
أحمد: انت طلبت حاجة دلفرى واكلت مين غير ماتحاسب ؟ إديهم حسابهم ومشيهم
فتحى: يا عم واللة اول مرة اشوفهم
احمد: ايوة بس دى حركة صح حركة وعاملينها فينا علشان تخوفونا
فتحى : اطلع من دول ياعم الحلو انت وهو دا احنا عملتها يجى تلتمتين مرة قبليكم
ضح1 : احنا صبرنا عليك نفد , قوم وبلاش كلام كتير ( يمسكة من زراعة)
أحمد: دا بينلة بجد يا فتحى دا اديهم تقيلة قوى
فتحى انا قايم لوحدى انا مؤدب ونبى ماتزقش
أحمد: مين دول دول
ضح1":بقية الضحايا من صبرا وشتيلا وقانا وجنين وفلسطين والعراق
ضح2: دا غير بتوع البوسنة والشيشان وافغانستان البلاد البعيدة قوى دى
أحمد : كنت بهزر
فتحى: ممكن اعرف انتوا عايزين مننا اية
ضح1 : جايين نحسبكوا
فتحى: تانى . .! تحاسبونا على اية احنا عمرنا ماكان لنا دعوة بحد
احمد: يعنى على بلاطة طول عمرنا فى حالنا ويس
ضح : 2 يابنى افهم ماهو علشان كدة احنا جايين نحاسبكوا
أحمد:إذاى بقى
ضح1 انت ماسمعتش حديث النبى صل الله علية وسلم من لم يهتم بامر المسلمين فليس منهم
فتحى : يعنى اية
يعنى علشان احنا مسلمين ربنا واحد نبينا واحد لازم نشيل هم بعض وإلا....
احمد : واللا اية
ضح2: ماتستحقش تكون مسلم
فتحى : على فكرة ياجماعة انتو مكبرين المسائل قوىاحنا صحيح عمرنا ما اهتمينا باللى بيحصل فى أى مكان فى العالم ا بس احنا ما اذنكوش ما ضرنكوش فى شئ
ضح1 : سكاتكم صمتكم كان هو الخنجر االممدود لصدورنا ولضهرنا كمان
ضح2 : الساكت عن الحق شيطان اخرس
احمد: اذاى ياجماعة فهمونا اكتر
ضح1عارفين قصة التلات تيران والا سد
أحمد : اية دخل دا فى الموضوع بتاعنا
ضح 2 : دا هو دا الموضوع بتاعنا
ضح1 : كان فية تلت تيران الاسود والبيض والاحمر
وكان فية أسد حاول كتير انة ياذيهم اويقربلهم لكن ما قدرش
ضح2 : لانهم كانو يد واحدة قوة واحدة
ضح1 : الاسد كان متأكد انة مش هيقدر يتغلب عليهم الا لما يفرق بينهم
ضح1: فرق تسد
ضح2 : فعلا راح لهم وأقنعهم انهم يعملوا معاهدة سلام وانهم اولاد عمومة واحتمال يكونو اخوات ومن اب واحد
فتحى: وعلى كدة صدقوا
ضح2 : للاسف ذى ما بيحصل دايما صدقوا
ضح1 : وبعدين راح للتور الاسود والاحمر واقنعهم ان الطور الابيض دا شايف نفسة قوى ومتعنتظ ( بصوت منخفض ) وعلى فكرة هو دايما اللى بيدل عليهم
ضح2 : وتقريبا له ميول ارهابية وانة تلقى تدريبات فى افغانستان او ايرن وانة ينتمى لتنظيم القاعدة
ضح1 : الثور الاسود والاحمر ابتدوا يبعدوا حبه بحبه عن التور الابيض
استغل الاسد الفرصة و هجم على طول على التور الابيض استغاث بخواتة فى ظنكم كان رد فعلهم اية
أحمد: اكيد اكيد ماسبهوش لوحدة
ضح2: محدش سمع ولاشاف , و أعتقد انهم قالوا انه يستاهل لأنه جر شكل الأسد , ولأنه كان بيقاومه لما حاول يأكله . .
فتحى : مسكين الأسد !
ضح 1: الأسد ما كتفاش بالتور الأبيض , راح للتور الأسود و أقنعه إن التور الأحمر لونه فاقع قوى , وأنه المنافس الوحيد ليه فى الغابة .
ضح2: و أعتقد كمان إنه أقنعه إنه هيكون حليفه و دراعه اليمين فى المنطقة , آسف فى الغابة . كل اللى كان مطلوب منه الصمت و السكوت و أحياناً الشجب و الإدانة .
ضح1 : طبعاً أكيد وصلتوا لنهاية القصة , التور الاسود يا سادة أصبح وحيد .
ضح2 ( متهكماً و هو ينظر إلى أحمد و فتحى ) : ما هو كان فى حاله و ملوش دعوه بحد .
ضح1: لما جت اللحظة الموعودة و فاق من الصدمة اكتشف .
ضح2: إن كل الوعود و المواثيق الدولية خدعة كبيرة .
ضح1: التور الأسود قال كلمة بقت حكمة , وكل الناس بترددها لحد دلوقتى .
ضح2: إنما أكلت حينما أُكل الثور الأبيض . . .
فتحى : تقصد إن إحنا كنا التور الأسود , وانتم كنتم التور الأبيض ( مشيراً إلى الضحية 2)
ضح2: بس لو سمحت ما تشاورش .
ضح1: صح مظبوط تمام .
ضح2: و سكاتكم كان هو السبب فى اللى وصلناله دلوقتى . أصبحنا يا سادة ( مشيراً إلى نفسه و إلى زميله ) ضحايا .
أحمد : لأ لأ , انتم بتبالغوا , انتم كده بتظلمونا , محدش كان يقدر يعمل لكم حاجة .
فتحى : أيوة إيه اللى كان فى إيدينا نعمله .
ضح1: كنتم تقدروا تعملوا زى المعتصم .
أحمد : المعتصم ! , و إيه بقا اللى عمله المعتصم .
ضح2: المعتصم يا سيدى كان خليفة المسلمين , ولما أسر الروم إمرأة و احدة بس صرخت بأعلى صوتها . . وا معتصماه . . وا معتصماه
( إظلام المسرح و إضاءة بجانب آخر )
يبدأ المشهد على كرسى يجلس عليه خليفة المسلمين , يدخل عليه الوزير مهرولاً .
الوزير : يا خليفة المسلمين , يا خليفة المسلمين .
المعتصم : ماذا هنالك يا رجل , ماذا حدث .
الوزير : أ ُسرت إمرأة فى الروم و نادت بأعلى صوتها مستغيثة بك قائلة : وامعتصماه وامعتصماه .
المعتصم : وا إسلاماه وا إسلاماه .
اكتب هذه الرسالة . . من المعتصم أمير المؤمنين إلى كلب الروم , إن لم تأتينى المرأة فسوف أرسل إليك جيشاً أوله عندك و آخره عندى .
( إظلام مع وجود أبيات شعرية ,
رب وا معتصماه انطلقت ملئ أفواه الصبايا اليتم ِ
صادفت أسماعنا لكنها لم تصادف نخوة المعتصم
إضاءة )
ضح2: بالفعل تم إعداد هذا الجيش و لكن الروم أرسلوا المرأة معززة مكرمة تحرسها كتيبة من النساء
ضح1: و أرجع المعتصم للأمة كلها كرامتها و عزتها .
أحمد : شفت بقا , أهو دا أكبر دليل على كلامنا .
فتحى : فعلاً , إحنا مش معتصم إحنا مش خليفة للمسلمين , إحنا مش رؤساء دول , روحوا حاسبوهم إحنا مالنا .
أحمد : إحنا مجرد أفراد ضعفاء , مفيش فى إيدينا أى شئ نعمله .
ضح1: مين اللى قال كده .
ضح2: فيه فى إيديكو ميت ألف طريقة تعملوها .
فتحى : لأ قول لنا طريقة واحدة كفاية .
ضح1: أقل شئ إنك تحس بآلامنا .
أحمد : نحس بآلامكم ! تقصد إيه .
ضح 2 ( مشيراً إلى مجموعة من الضحايا ) : كل الضحايا دول كانو زيك , ليهم أحلام . آمال .. طموحات , و فى لحظة واحدة صاروخ غادر هدم البيت موت الأم و الأب و الطفل , وفى نفس اللحظة كل الأحلام اتساوت بالتراب .
فتحى : برده مش فاهم إزاى أقدر أحس بآلامهم .
ضح1: اسألهم . !
( يتجه فتحى إلى مجموعة من الضحايا من بينهم طفلة و يبدأ فى سؤالهم )
فتحى : انتم منين ؟ و إيه اللى عمل فيكم كدة ؟ إيه قصتكم ؟
طفلة : أنا من لبنان , مش بعيدة قوى عنكم , كنت فاكرة إنى قريبة قوى منكم , قبل ما تحصل المذبحة
أحمد : مذبحة إيه ؟!
طفلة : كنت أنا و أخويا محمد الصغير و أبويا و أمى فى بيتنا , نايمين , حاضنين الحلم و الدفا .. و جوانا قلوب بتحب كل الكون , و تكره الحرب و الدمار , و فجأة إتحول الحلم الجميل لنار بتحرق كل حاجة , أمى ماتت قدامى . . أخويا محمد . . أبويا , و فى الآخر كان الدور عليّـه .
ما كنتش متخيله إن الدنيا وحشه و إن فى وحوش فى هيئة بشر , وإن العالم كله هيتفرج عليّـه و أنا بموت و الرصاص بيقطع كل حته فى جسمى . . إيه اللى انت عملته , إيه اللى انتوعملتوه .!
كنتوا ممكن تقولوا لأ , كنتوا ممكن تقفوا جنبنا , و كان ممكن أبقى لسه عايشه و سطكم . . إنتوا اللى قتلتونى , , , إنتوا اللى قتلتونى .
ضح1: يا ترى حسيتوا بالألم ؟
فتحى : صدقنى إحنا بنحس , و بنتألم , بس انت برده مجاوبتنيش على سؤالى . إحساسى بالألم هيغير إيه ؟ !
ضح1: إحساسك بالألم هيخليك ترفع إيديك للسما , تدعى .. تقول يا رب ساعدنى , نفسى أكون معاهم , نفسى أخفف عنهم .
ضح2: دى بقا اسمها سهام السحر .
ضح1: دى سهام من ربك مضمونة , محدش يقدر يردها أو يمنعها .
ضح2: إحساسك بالألم هيخليك تتبرع بكل اللى تقدر عليه , علشان أخوك فى فلسطين أو فى لبنان أو فى العراق ما يموتش من الجوع و انتا شبعان , يلاقى البطانية اللى تدفيه , يلاقى الرصاصة اللى تدافع عنه .
ضح1: احساسك بالالم هيخليك تقاطع المنتجات الى اعداءك بيعملوها وانت تدفع فيها فلوس تتحول للرصاصة للدانة لمدفع تموتنى وتموتك وانت اللى دفعت تمنها
ضح2: إحساسك بالألم هيخليك تحسس الدنيا كلها بنفس الألم
ضح1:عارف زى مين . !صلاح الدين الأيوبى .. أكيد تسمع عنه ! ليه كلمه مشهورة قوى .
ضح2: كيف أضحك و القدس أسير . .
ضح 1: صلاح الدين الأيوبى حس بالألم , حس إن المسجد الأقصى أول القبلتين و ثالث الحرمين فى الأسر , و أنه بيستغيث بيه , و أنه لازم يحرره من الأسر . ما قدرش يضحك غير لما حرره .
أحمد : يا جماعة صدقونى إحنا اتأثرنا قوى و تعبنا قوى و حسينا إن إحنا كنا بعيد قوى .
فتحى : ممكن بقا نمشى ؟ متشكرين قوى يا جماعة , سلام عليكم .
ضح2: على فين يا حبيبى ؟ انت كنت فكرنا بنهزر؟ دى محكمة , و فى حكم و ها يصدر عليك دلوقتى
أحمد : و مين بقا اللى هايحكم علينا ؟
( الإتنين فى نفس واحد ) الضحايا .
ضح2: و دلوقتى هنسمع الحكم . . أظن إن الضحايا سمعوا بما فيه الكفاية دفاعكوا عن نفسكوا . و مستعدين دلوقتى لنطق الحكم .
ضح1: القرار للضحايا , هل ترى الضحايا بعد كل ما سمعناه من السيد أحمد و السيد فتحى و بعد كل ما علمناه أنهم كانوا لا يعيشون سوى لانفسهم , و لم يهتموا يوماً لما يحدث فى العالم .
هل ترى الضحايا أنهم مذنبين ؟
( صوت جماعى للضحايا كآنه صوت آلى ) مذنبين , مذنبين
( وهما يلتفون حول أحمد و فتحى فى شكل دائرى )
ضح1: و إيه الحكم اللى شايفاه الضحايا ؟!
الضحايا فى صوت واحد : لازم يحسوا بالألم . . لا زم يحسوا بالألم .
ضح2 : حسسوهم بالألم .( الضحايا ـاخذ أحمد و فتحى إلى مكان مظلم فى جانب المسرح )
أحمد وفتحى يصرخون : لأ لأ .
خلاص إحنا فهمنا , سيبونا نعيش مش معايزين نبقا ضحايا .
( إظلام تام للسرح , ونهاية المشهد )




المشهد الثالث
(اضاءة يظهر على المسرح أحمد وفتحى وهما فى حالة دهشة)
فتحى: اية دة انت حلمت باللى انا حلمت بية
احمد: مستحيل دا يكون حلم
فتحى: امال دا اية
احمد: دا اكيد علم
فتحى: يعنى المأسى اللى احنا شوفناها دى بجد والضحايا دول بجد
احمد:يبدوا يا فتحى انها كانت طول عمرهابجد بس احنا دايما ذى النعام بندفن راسنا فى التراب
فتحى: طب والحكم اللى صدر علينا
أحمد : اتنفذ
فتحى: أذاى
أحمد: مش قالو لازم نحس بالالم
فتحى : فعلا واحنا حسينا بالالم والندم كمان يا ترى الوقت فات ولا ممكن تعمل حاجة
احمد: اكيد لسة فية قدمنا فرصة واول حاجة نعملها اننا ذى ما حسينا بالالم لازم كل الناس وكل الشباب اللى زينا يحسوا بالالم هما كمان
فتحى: وما يقولوش ذى ما احنا قلنا ( أحنا مالنا )


(تبداء موسيقى التتر وتبداء اغنبة الختام)

ياللى بتقولو احنا مالنا
احنا خلينا فى حالنا
مهما كات النار بعيدة
إن سكتنا هتيجى دارنا
اوعى تبقى شيطان وأخرس
يوم ماتلقى صوت طبول الحق تخرس
غير المنكر بكفك
وان عجزت هيكفى قلبك
بس إياك لما تسمع صوت
طبول الحق تخرس
اوعى تبقى شيطان وأخرس
فينك انت مش لاقيك
شوف عدوك بين عنيك
فاكر انك مستخبى
ناسى ان الدور عليك
صدقونى الدم واحد
صدقونى الجرح واحد
يوم م تحزن ولا تبكى
عين أخوك تبكى عليك
بس اياك لما تسمع
صوت طبول الحق تخرس
اوعى تبقى شيطان وأخرس

تأليف:زكى خلفة

جواب تحذير اهداء الى الشاطر واخوانه

جواب تحذير
الى المسجون فى سلطانه
الى المحبوس على الكرسى
انا المحبوس فى زنزانه
وحر كأنه يوم عرسى
انا الشاطر واخوانه
سفينه حرة ماترسى
صحيح زنزانتى كام خطوة
صحيح مليانه بالقضبان
صحيح السجن للمظلوم
بيمحى كرامة الانسان
انا زنزانتى مليانه بذكر الله
وحب الله دا انفسنا
وقرانه بيحرسنا
وصحبه ذى ماتقول قول
ملايكه طيور ماتعرفشى
ايثار ومحبه ماتقولشى
صحيح سجانك الساكن على بابى
ماسبنيش يوم ولا هربشى
واناعارف بانه حبنى جدا
وانه نفسه لو نمشى
مايعرفشى
بان الجنه سكنانى
وإنى جنتى فى صدرى
مايعرفشى
بانى بعدى مليون سور
وبقعد فى رحاب الله
وبسمع صوت رسول الله بيندهلى
يقولى اصبر
اكيد موعدنا فى الجنه لازم تصبر
وبتونس باصحابه
بسيره لما نسمعها بتهدينا
تجان الفل والنرجس تهادينا
ابو بكر وعمر وبلال
ابو حفص انهارده قال
بانى حر مش عبدك
ساعتها صوت ادان لبلال ينادينا ودمعة شوق توضينا
نقوم نسجد لمن خلقك
ومن سجنك فى سلطانك
وبين اهلك وحراسك
ومن غرك
ومن شرك
بتدى كمان لاولادك صكوك الظلم
ومال مسلوب وله صاحب
وصاحبه ساب لاولاده معانى حب
وقلبه الحريبعتلك جواب تحذير
الى المسجون فى سلطانه
الى المحبوس على الكرسى
انا المحبوس فى زنزانه
وحر كأنه يوم عرسى